Մոսկվայի «Դինամոյի» տնօրենը հայտնել է, որ Ռեալ Սոսյեդադը վաղուց է վճարել Զախարյանի համար
Մոսկվայի «Դինամոյի» գլխավոր տնօրեն Պավել Պիվովարովը հայտնել է, որ ակումբը գումար է ստացել Արսեն Զախարյանի՝ «Ռեալ Սոսյեդադ» տեղափոխության համար։
«Դինամոն վաղուց ստացել է Արսեն Զախարյանի համար գումարը»,- Պիվովարովի խոսքերն է փոխանցում «Чемпионат»-ը։
Հիշեցնենք, որ անցած ամառ հայազգի կիսապաշտպանը Մոսկվայի «Դինամոյից» տեղափոխվեց իսպանական «Ռեալ Սոսյեդադ», որի կազմում ընթացիկ մրցաշրջանում անցկացրել է 30 հանդիպում և դարձել մեկ գոլային փոխանցման հեղինակ։ Տրանսֆերի արժեքը, ըստ Transfermarkt պորտալի, կազմել է 13 մլն եվրո:
Ավելի վաղ Զախարյանի շահերը ներկայացնող ֆուտբոլային գործակալ Գենադի Գոլուբինը հայտնել էր, որ իր հաճախորդը սրունքի մկանի թեթև վնասվածք է ստացել, ինչի պատճառով չի կարողացել մասնակցել Չեմպիոնների լիգայի 1/8 եզրափակչի՝ ՊՍԺ-ի հետ պատասխան հանդիպմանը, որը տեղի է ունեցել մարտի 5-ին։