Թուրքիայի և Հունաստանի ղեկավարները կորոշեն ճանապարհային քարտեզը, որով առաջիկայում կշարժվեն Անկարան և Աթենքը
Թուրքիայի և Հունաստանի առաջնորդներ Ռեջեփ Թայիփ Էրդողանը և Կիրիակոս Միցոտակիսը երկուշաբթի կորոշեն այն ճանապարհային քարտեզը, որին Անկարան և Աթենքը կհետևեն առաջիկա ժամանակահատվածում։ Այս մասին հայտնում է Hürriyet թերթը։
Միցոտակիսը մայիսի 13-ին կայցելի Անկարա՝ ի պատասխան Թուրքիայի նախագահի՝ 2023 թվականի դեկտեմբերին Աթենք կատարած այցի։
Ըստ թերթի՝ Էրդողանի և Միցոտակիսի հանդիպման ժամանակ օրակարգում կլինի շարունակել համագործակցությունը տարբեր ոլորտներում, ինչպիսիք են տնտեսությունը, տրանսպորտը, գիտությունը, տեխնոլոգիան, գյուղատնտեսությունը, զբոսաշրջությունը, առողջապահությունը, ինչպես նաև հումանիտար կապերը։