Երևանում ծառերը տապալվել են` վնասելով ավտոմեքենաներ և էլեկտրական լարեր (լուսանկարներ)
Այսօր՝ մայիսի 12-ին, արտակարգ դեպքեր են տեղի ունեցել Երևանում: Ժամը 02:50-ի սահմանում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արգիշտի փողոցում՝ Երևանի քաղաքապետարանի հարևանությամբ, ծառը կոտրվել ու տապալվել է՝ մասամբ փակելով ճանապարհը:
Ինչպես հայտնում է ֆոտոլրագրող Գագիկ Շամշյանը, ծառի տապալման պատճառով վնասվել են էլեկտրական լարերը:
Փրկրարաները մասնատել են ծառը ու հեռացրել անվտանգ վայր:
Կարճ ժամանակ անց նմանատիպ ահազանգ է ստացվել՝ այս անգամ Երվանդ Քոչար փողոցից: Հաղորդվել է, որ թիվ 13 շենքի մոտ ծառը կոտրվել ու ընկել է կայանված ավտոբուսի վրա:
Ըստ նախանակ տեղեկությունների՝ ծառերի տապալման հետևանքով տուժածներ չկան: 
