Սա վստահության շարժում է, որը մեկ վայրկյանում իր խաղաքարտերը չի բացում․ Թովմաս Առաքելյան
Մենք վստահությամբ ու հավատարմությամբ շարունակում ենք պայքարել հանուն ճշմարտության։
Այս մասին երիտասարդական երթի ժամանակ հայտարարեց Թովմաս Առաքելյանը:
«Երկու օր առաջ տեսանք, որ ուսանողներն ամբողջապես դասադուլի օրակարգի մեջ էին:
Ամենակարևորը մենք համբերատար ենք, այս շարժման մեջ դա շատ կարևոր է: Պետք չէ սպասել, որ երկու օրում ինչ-որ բաներ են լինելու: Մենք փոքր քայլերի գեղեցիկ արվեստը գիտենք և շարունակում ենք վստահ գնալ առաջ:
Կոչ եմ անում կասկածները հաղթահարել և վստահել, սա վստահության շարժում է, որը մեկ վայրկյանում իր խաղաքարտերը չի բացում»,-նշեց նա:
Թովմաս Առաքելյանի խոսքով՝ Սրբազան հայրը շատ վստահ և համբերատար շարունակում է առաջ տանել ճշմարտության օրակարգը։
Հիշեցնենք, որ այսօր 18։30 Հանրապետության հրապարակում տեղի կունենա «Տավուշը հանուն հայրենիքի» շարժման հանրահավաք։