Բա դուք ո՞վ եք, փրկիչնե՞ր եք, թող գնան մեզ փրկեն իրենցից․ Սրբազանը՝ Միրզոյանի՝ դիվանագետների վերաբերյալ հայտարարության մասին
2023 թվականի սեպտեմբերի 20, թե 23-ն էր, ՄԱԿ-ում տեղի ունեցող անվտանգության խորհրդի նիստին, որտեղ Արարատ Միրզոյանն ասում էր մի բան Բայրամովն իրեն հերքում էր Արարատի Միրզոյանի վարչապետի խոսքերով։
Այս մասին լրագրողների հետ զրույցում ասաց «Տավուշը հանուն հայրենիքի» շարժման առաջնորդ Բագրատ Սրբազանը՝ անդրադառնալով ԱԳ նախարար Արարատ Միրզոյանի հայտարարություններին։
«Ուրիշ բան չեմ ասում ես, թող միայն դա հիշեն, մնացած ձախողումների մասին չեմ ասում։ Հայաստանի պատմության մեջ այսպիսի խայտառակ դրվագ երբեք տեղի չի ունեցել, այդպիսի կարևոր ամբիոնում այդպես մերժվել ու հերքվել սեփական երկրիդ ղեկավարի կողմից։
Ես զարմանում եմ, ոնց չեն ամաչում այս մարդիկ, ամոթն ո՞ւր է կորել։ Դիվանագետները խրամատ են լքել, եպիսկոպոսը կոռուպցիոներ է, ագենտ է, գործակալ է, լավ բա դուք ո՞վ եք։ Փրկիչնե՞ր եք, այո, թող գնան մեզ փրկեն իրենցից, զարմանում եմ։ Ամոթ չունեն ո՛չ իրենք, ո՛չ իրենցից սնվողները»,- ասաց նա։
Հիշեցնենք, որ Արարատ Միրզոյանն այսօր հայտարարել է, թե այդ փորձառու դիվանագետները հավանաբար այն դասալիքներն էին, որ լքեցին իրենց պաշտոնները, իրենց բաժին հասած խրամատը այն օրերին, երբ ՀՀ սուվերեն տարածքի վրա տեղի էր ունենում ռազմական ագրեսիա։ Որևէ կարգի լրջություն այս կարգի փասի հիշատակումից հետո այդ մարդկանց ու իրենց դիրքորոշումների նկատմամբ չեմ կարող ունենալ, սա ամենամեղմ գնահատակնն է, որ ինձ կարող եմ թույլ տալ։
Նշենք, որ Շարժմանը միացած դիվանագետների խորհրդի անդամները ի դեմս Վահագն Մելիքյանի երեկ Հանրապետության հրապարակում հարթակից հակասահմանադրական և հակաօրինական էր որակել Ալմա-Աթայի հռչակագրի հիման վրա իրականցավող սահմանազատման գործընթացը։