Ռուսն ու չինացին հավերժ եղբայրներ են. Պուտին
Ռուսն ու չինացին հավերժ եղբայրներ են. ՌԴ նախագահ Վլադիմիր Պուտինը Ռուսաստանի Դաշնության և Չինաստանի Ժողովրդական Հանրապետության հարաբերությունները նկարագրել է հին խորհրդային երգի այս տողերով, փոխանցում է ՏԱՍՍ-ը։
Գործակալության տվյալներով՝ հայտարարությունն արվել է Պեկինում՝ Ռուսաստանի և Չինաստանի միջև դիվանագիտական հարաբերությունների հաստատման 75-ամյակին նվիրված համերգից առաջ։
«Այն ժամանակվա հայտնի երգում, որը հաճախ է կատարվում նաև մեր ժամանակներում, կա մի արտահայտություն, որը դարձել է թևավոր՝ ռուսն ու չինացին հավերժ եղբայրներ են», - ասել Պուտինը:
Նա վստահություն է հայտնել, որ նման եղբայրական ոգով կշարունակվի «ներդաշնակ ռուս-չինական գործընկերության» ամրապնդումը։