Կիևյան կամրջի վրա բախվել է 3 մեքենա. 1 հոգի տեղափոխվել է հիվանդանոց
Սեպտեմբերի 26-ին, ժամը 22:18-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Կիևյան կամրջի վրա տեղի է ունեցել ՃՏՊ. կան տուժածներ, առկա է վառելիքի արտահոսք:
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Mercedes-Benz» (վարորդ` Ռ. Պ., ծնված 2003 թ.), «Hyundai» (վարորդ՝ Ա. Մ., ծնված 1991 թ.) և «Opel» (վարորդ՝ Գ. Պ., ծնված 1995 թ.) մակնիշների ավտոմեքենաները. «Mercedes-Benz» մակնիշի ավտոմեքենայից առկա է վառելիքի արտահոսք։
«Hyundai» մակնիշի ավտոմեքենայի ուղևոր Ա. Պ.-ն հոսպիտալացվել է բժշկական կենտրոն:
Փրկարարները հոսանքազրկել են «Mercedes-Benz» մակնիշի ավտոմեքենան և իրականացրել ճանապարհի լվացման աշխատանքներ։