ბელორუსიაში დაგეგმილი ატომური ელექტროსადგური „ზოგადად აკმაყოფილებს“ ევროკავშირის მოთხოვნებს
ბელორუსიაში, ასტრავეცის მახლობლად დაგეგმილი ატომური ელექტროსადგური „ზოგადად აკმაყოფილებს“ ევროკავშირის მიერ ჩატარებული ტესტის მოთხოვნებს. მაგრამ ტესტი არ შეხებია პროექტის სადავო თემას - ლიტვის საზღვართან სიახლოვეს. ევროკავშირის წევრმა ლიტვამ განაცხადა, რომ ჩატარებული ტესტი არაა უსაფრთხოების სრული შეფასება. ვილნიუსმა მოუწოდა ევროპის კომისიას, ზეწოლა განახორციელოს ბელორუსიაზე, რათა მან გააუმჯობესოს ბირთვული უსაფრთხოება და მინსკთან შემდგომი თანამშრომლობა ამ ზომების განხორციელებაზე დამოკიდებული გახადოს.