14 კაცი დაიღუპა საავიაციო იერიშის დროს ავღანეთში
სულ მცირე 14 კაცი, მათ შორის რამდენიმე ქალი და ბავშვი დაიღუპა ავღანეთისა და აშშ-ის სამხედრო ავიაციის იერიშის შედეგად ავღანეთის ყუნდუზის პროვინციაში. ავღანეთის ხელისუფლების ცნობით, ჯერჯერობით უცნობია, თუ კონკრეტულად რომელი ქვეყნის ავიაციის მოქმედებამ გამოიწვია მსხვერპლი მშვიდობიან მოსახლეობაში. ამერიკულმა სარდლობამ განაცხადა, რომ არ აქვთ ინფორმაცია, არის თუ არა მათი ავიაცია მომხდარზე პასუხისმგებელი. სამხედრო თვითმფრინავები მონაწილეობდნენ სახმელთო ძალების ოპერაციის მხარდასაჭერად, რომელიც 19 ივლისს დაიწყო ყუნდუზის პროვინციაში.