ირანის პრეზიდენტი ჰასან როჰანი აფრთხილებს აშშ-ის პრეზიდენტ დონალდ ტრამპს, რომ ირანის მიმართ მტრულ პოლიტიკას სავალალო შედეგები მოჰყვება. „ბატონო ტრამპო, ცეცხლს ნუ ეთამაშებით. ამას მხოლოდ სავავალო შედეგები მოჰყვება“, - ირანის ოფიციალური ახალი ამბების სააგენტო „ირნას“ ცნობით, ეს სიტყვები ჰასან როჰანიმ 22 ივლისს ირანელი დიპლომატებთან შეხვედრაზე წარმოთქვა. მაისში აშშ-ის პრეზიდენტმა განცხადა, რომ ვაშინგტონი გადის ირანსა და მსოფლიოს ექვს წამყვან ქვეყანას შორის 2015 წელს ხელმოწერილი შეთანხმებიდან და უბრუნდება მკაცრი სანქციების პოლიტიკას. აღნიშნული ნაბიჯი მკაცრად გააკრიტიკა ირანმა, რომელიც მიიჩნევს, რომ დონალდ ტრამპის ადმინისტრაცია ცდილობს ქვეყენაში განხეთქილების შეტანას და სასულიერო ხელისუფლების დამხობას. აშშ-ის ხელისუფლებამ, მათ შორის სახელმწიფო მდივანმა, მაიკ პომპეომ განცხადეს, რომ ისინი მხარს უჭერენ „ირანელი ხალხის ბრძოლას თავისუფლებისათვის“. ამერიკის ხმისათვის მიცემულ ამასწინანდელ ინტერვიუში მაიკ პომპეომ განახადა, რომ ვაშინგტონს სურს ირანის ქცევის შეცვლა. ოფიციალურ გამოსვლაში, 21 მაისს, მაიკ პომპეომ ჩამოაყლიბა 12 მოთხოვნა ირანის ხელისუფლებისადმი. კერძოდ, ირანმა უნდა შეაჩეროს ურანის გამდიდრების სამუშაოები და შეწყვიტოს ლიბანში მოქმედი ექსტრემისტული დაჯგუფება ჰისბოლაჰის დახმარება. პომპეომ გააფრთხილა ირანი, რომ თუ იგი არ შეცვლის კურსს და არ შეასრულებს ვაშინგტონის ამ მოთხოვნებს, მას თავს დაატყდება„ისტორიის მანძილზე ყველაზე მკაცრი სანქციები“.
