ტყიბულის შახტების უსაფრთხოების საკითხს DMT Group-ი შეისწავლის
ტყიბულის შახტებში სრულყოფილი შრომითი უსაფრთხოების პირობების დანერგვის შესაძლებლობას საერთაშორისო კომპანია DMT Group-ი შეისწავლის. ასეთი გადაწყვეტილება მიიღო სოციალური პარტნიორობის სამმხრივმა კომისიამ. როგორც კომისიის თავმჯდომარემ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, დავით სერგეენკომ განაცხადა, ტყიბულის შახტებში არსებულ მდგომარეობას კომპანია 5 კვირის განმავლობაში შეისწავლის და შესაბამის რეკომენდაციებს გამოაქვეყნებს. მისივე თქმით, ამ სამუშაობს სახელმწიფო დაახლოებით 50 000 ევროს ოდენობის თანხით დააფინანსებს.
სოციალური პარტნიორობის სამმხრივმა კომისიამ DMT Group-ი სამი საერთაშორისო კომპანიიდან შეარჩია.