პანკისის ხეობაში აქცია მიმდინარეობს
"პანკისობა 2018"-ის ჩაშლის მიუხედავად პანკისის ხეობაში აქცია მიმდინარეობს. თემირლან მაჩალიკაშვილის ოჯახის წევრები და ადგილობრივები სოფელ დუისში შეიკრიბნენ და ხელისუფლებას კიდევ ერთხელ მოუწოდებენ, დაისაჯონ სპეცოპერაციაში მონაწილე პირები.
"დღევანდელი ღონისძიება იმიტომ დაგეგმეს, რომ აქ ხალხი გაეშიფრათ. ეს იყო გახარიას სტრატეგია, რომ ხალხი პროვოკაციაზე წამოეგოთ. არ მოხდება ეს, არ გაუვათ ასეთი მეთოდები. ეყოთ ჩვენი სისხლით ფულის კეთება. არავის არაფერი არ შერჩება. ჩვენ შევქმნით ადგილობრივებისგან შემდგარ ჯგუფს, ისინი თვალს მიადევნებენ საპროტესტო აქციებს და მანამდე იმოქმედებენ, ვიდრე მოთხოვნები სრულად არ იქნება დაკმაყოფილებული. მოვითხოვთ დაისაჯონ დამნაშავეები. დაისაჯონ ჩემი შვილის მკვლელები”, - განაცხადა მალხაზ მაჩალიკაშვილმა.