კიევი მოითხოვს რეჟისორ ოლეგ სენცოვთან უკრაინელი ექიმების შეშვებას
უკრაინის საგარეო საქმეთა მოითხოვს უკრაინელი ექიმებისა და ხელისუფლების წარმომადგენლების შეშვებას რუსეთის ციხეში მყოფ რეჟისორ ოლეგ სენცივთან, რომელიც ოთხ თვეზე მეტია შიმშილობს პროტესტის ნიშნად. ამ მოთხოვნის შესახებ 29 სექტემბერს ტვიტერზე დაწერა უკრაინის საგარეო საქმეთა სამინისტროს წარმომადგენელმა მარიან ბესტამ. რუსეთის პენიტენციურმა უწყებამ 28 განაცხადა, რომ სენცოვის მკურნალობაში მოხდა „გარკვეული“ ცვლილება. მოგვიანებით გავრცელდა ფოტო, რომელზეც ჩანს, თუ როგორ სინჯავს სენცოვს ექიმი. რუსეთის სპეცსამსახურების თანამშრომლებმა უკრაინელი რეჟისორი 2014 წლის მაისში დააკავეს ანექსირებულ ყირიმში და ბრალად დასდეს ტერაქტების ორგანიზება. 2015 წლის აგვისტოში, სასამართლომ სენცოვს 20 წლით პატიმრობა მიუსაჯა. უფლებადამცველები ოლეგ სენცოვს პოლიტპატიმრად მიიჩნევენ. რუსეთის ხელისუფლებისგან უკრაინელი რეჟისორის გათავისუფლებას მოითხოვენ დასავლეთის სახელმწიფოები, საერთაშორისო ორგანიზაციები და კულტურის სფეროს არაერთი ცნობილი წარმომადგენელი. 2018 წლის აგვისტოში რუსეთის პრეზიდენტმა ოლეგ სენცოვის დედას უარი უთხრა შვილის შეწყალებაზე.