უტრეხტის ინციდენტში ჯერჯერობით ვერ აღმოაჩინეს კავშირი ეჭვმიტანილსა და მსხვერპლთ შორის
ნიდერლანდელი გამომძიებლები, რომლებიც დაკითხვას უტარებენ ქალაქ უტრეხტში მომხდარ თავდასხმაში ეჭვმიტანილს, თურქეთში დაბადებულ გოკმენ ტანისს, აცხადებენ, რომ ჯერჯერობით ვერ აღმოაჩინეს კავშირი ეჭვმიტანილსა და მსხვერპლთ შორის.
პროკურატურის 19 მარტს გამოქვეყნებულ განცხადებაში ნათქვამია, რომ ისინი 18 მარტს უტრეხტის ტრამვაიში მომხდარი სროლის ერთ-ერთ სერიოზულ მოტივად კვლავაც განიხილავენ ტერორიზმს, რასაც სამი ადამიანის სიცოცხლე ემსხვერპლა. ამის საბაბს იძლევა ჩანაწერი, რომელიც გოკმენის მანქანაში იპოვეს.
თუმცა არ არის გამორიცხული ოჯახური უთანხმოება.
ინციდენტთან დაკავშირებით დაკავებულია კიდევ ორი ადამიანი, რომლებსაც პროკურატურაში უტარებენ დაკითხვას.