ნაზარბაევი კვლავაც უხელმძღვანელებს მმართველ პარტიას და გავლენიან უშიშროების საბჭოს
ყაზახეთის პრეზიდენტი ნურსულთან ნაზარბაევი პრეზიდენტის პოსტიდან გადადგომის შემდეგაც უხელმძღვანელებს მმართველ პარტიას და სიცოცხლის ბოლომდე დარჩება გავლენიანი უშიშროების საბჭოს თავმჯდომარე.
ნაზარბაევმა 19 მარტს პირდაპირ ტელეეთერში გამოაცხადა, რომ წყვეტს პრეზიდენტის მოვალეობების შესრულებას.
მისი თქმით, პრეზიდენტს ამ ეტაპზე შეცვლის პარლამენტის ზედა პალატის თავმჯდომარე, ყასიმ-ჟომარტ ტოყაევი.
ნაზარბაევმა განაცხადა აგრეთვე, რომ დარჩება მმართველი „ნურ ოტანის“ პარტიის სათავეში და პრეზიდენტის „უშიშროების საბჭოს“ თავმჯდომარედ, რაც ნიშნავს, რომ შეინარჩუნებს გავლენიან პოზიციას.