ზვიად კვაჭანტირაძემ კომიტეტის თავმჯდომარის პოსტი თავად დატოვა
ზვიად კვაჭანტირაძემ დიასპორის კომიტეტის თავმჯდომარის პოსტი დატოვა. ამის შესახებ მან განცხადება გააკეთა პარლამენტის პლენარულ სხდომაზე მისი გადაყენების საკითხის კენჭისყრის დაწყებამდე.
„კოლეგებო, როდესაც ამ საკითხზე გაიმართა კენჭისყრა, მე გავედი ჟურნალისტებთან და გავაკეთე განცხადება იმის თაობაზე, რომ მე გადავწყვიტე თავად დავტოვო კომიტეტის თავმჯდომარის თანამდებობა. დღეს ხელმეორედ ჩატარებულა ბიუროს სხდომა, რომელზეც მე არ დამპატიჟეს და მე რომ მიმეღო მოწვევა ბიუროზე, მაგიდაზე დაგხვდებოდათ ჩემი ხელმოწერილი განცხადება. ასე რომ მინდა ყველას გადაგიხადოთ დიდი მადლობა, ვინც დღეს თქვენი სინდისით იხელმძღვანელეთ და მიიღეთ ის გადაწყვეტილება, რაც მიიღეთ. ჩემი მხრიდან საკითხი მოხსნილია“.
19 მარტს, პარლამენტმა ზვიად კვაჭანტირაძე დიასპორის კომიტეტის თავმჯდომარის თანამდებობიდან ვერ გადააყენა. კვაჭანტირაძის კომიტეტის თავმჯდომარეობიდან გადაყენების მომხრე 67 დეპუტატი იყო, 8 წინააღმდეგი წავიდა. გადაწყვეტილების მისაღებად კვორუმი 76 იყო.
დიასპორის კომიტეტის თავმჯდომარეობიდან ზვიად კვაჭანტირაძის გადაყენების საკითხი პარლამენტმა კენჭისყრაზე განმეორებით 19 მარტსვე დააყენა, თუმცა, მან თავად დატოვა კომიტეტის თავმჯდომარის პოსტი.