აშშ და რუსეთი ვერ თანხმდებიან ვენესუელის ლიდერის ლეგიტიმურობის საკითხზე
აშშ-მა და რუსეთმა „პოზიტიური“ და „არსებითი“ მოლაპარაკება გამართეს ვენესუელაში კრიზისის შესახებ, მაგრამ ჯერ კიდევ ვერ თანხმდებიან პრეზიდენტ ნიკოლას მადუროს ლეგიტიმურობის საკითხზე.
ამის შესახებ 19 მარტს განაცხადა ვენესუელის საკითხებში აშშ-ის სპეციალურმა წარმომადგენელმა ელიოტ აბრამსმა რომში რუსეთის საგარეო საქმეთა მინისტრის მოადგილე სერგეი რიაბკოვთან შეხვედრის შემდეგ.
ვენესუელის ოპოზიციის ლიდერმა და პარლამენტის თავმჯდომარე ხუან გუაიდობა იანვარში თავი გამოაცხადა გარდამავალ პრეზიდენტად. ის მალევე აღიარა მრავალმა ქვეყანამ, აშშ-ს, ლათინური ამერიკის ქვეყნების უმრავლესობისა და საქართველოს ჩათვლით.
რუსეთი, ისევე როგორც ირანი, კუბა, ჩინეთი და თურქეთი, კვლავაც მადუროს მიიჩნევენ კანონიერ პრეზიდენტად. სწორედ რუსეთია მადუროს უმნიშვნელოვანესი უცხოელი მხარდამჭერი ვენესუელაში მწვავე პოლიტიკური და ეკონომიკური კრიზისის ფონზე.