ევროკავშირი დათანხმდა, 22 მაისამდე გადაიტანოს ბრექსიტის თარიღი
ევროკავშირი დათანხმდა, გადაიტანოს ბრექსიტის თარიღი იმ პირობით, თუკი დიდი ბრიტანეთის პარლამენტი 29 მარტამდე მოიწონებს პრემიერ-მინისტრ ტერეზა მეისა და ბრიუსელს შორის გარიგების პირობებს. თუკი ეს მოხდება, ევროკავშირი შეძლებს 22 მაისამდე გადადოს კავშირის რიგებიდან დიდი ბრიტანეთის გასვლა. ამის შესახებ როიტერსი იტყობინება ბრიუსელში მიღწეული შეთანხმების პროექტზე დაყრდნობით.
დოკუმენტის თანახმად, 22 მაისი უკანასკნელი ვადაა. ამ დღეს გაიმართება ევროპარლამენტის არჩევნები. თუკი ბრიტანეთი კენჭისყრამდე არ გავა ევროკავშირიდან, მისი წარმომადგენლებიც იქნებიან არჩეული, რაც გაართულებს ბრექსიტის პროცესს.
დღეს ბრიუსელში დაიწყო ევროკავშირის ლიდერების ორდღიანი სამიტი. შეხვედრის მთავარი თემაა ბრექსიტის ვადის შეცვლა. მანამდე პრემიერ-მინისტრმა ტერეზა მეიმ ითხოვა ევროკავშირიდან ქვეყნის გასვლის ვადის გადატანა 30 ივნისისთვის. თავდაპირველი გეგმის მიხედვით, ბრექსიტი 29 მარტს უნდა შემდგარიყო.