საკონსტიტიციო სასამართლო განიხილავს პარლამენტის წინააღმდეგ ყოფილი პარლამენტარის სარჩელს
საქართველოს საკონსტიტუციო სასამართლო არსებითად განიხილავს თიანეთის მერის, თამაზ მეჭიაურის სარჩელს საქართველოს პარლამენტის წინააღმდეგ.
პარტია „ქართული ოცნების“ ყოფილმა წევრმა, წინა მოწვევის პარლამენტის დეპუტატმა, თამაზ მეჭიაურმა საკონსტიტუციო სასამართლოს 2018 წელს მიმართა.
პარლამენტთან მეჭიაურის დავის საგანია ადგილობრივი თვითმმართველობის კოდექსის ის მუხლები, რომლებიც მუნიციპალიტეტის საკრებულოს აძლევს მერისთვის უნდობლობის გამოცხადების უფლებას.
მოსარჩელის მტკიცებით, ნორმები უშვებს მუნიციპალიტეტის პირდაპირი გზით არჩეული მერის დაუსაბუთებლად გათავისუფლებას, რაც ეწინააღმდეგება სახელმწიფო სამსახურში საქმიანობის განხორციელების კონსტიტუციურ უფლებას.
თიანეთის მერად 2017 წელს არჩეული თამაზ მეჭიაურის ინტერესებს იცავს საქართველოს ახალგაზრდა იურისტთა ასოციაცია.
საქმეს არსებითად განიხილავს საქართველოს საკონსტიტუციო სასამართლოს პლენუმი.