საოკეანო ლაინერმა Viking Sky-მ მოლდეს პორტს მიაღწია ქარიშხლისა და მგზავრთა ნაწილის ევაკუაციის შემდეგ
ნორვეგიის საოკეანო სამგზავრო ლაინერმა Viking Sky-მ ნორვეგიის ნაპირებთან ქარიშხლისა და მგზავრთა ნაწილის ევაკუაციის შემდეგ მოლდეს პორტს მიაღწია.
შაბათს მუშაობა შეწყვიტა გემის ძრავამ და Viking Sky-მ დრეიფით დაიწყო მოძრაობა ნაპირისკენ, სადაც შეიძლება ავარია მოსვლოდა. ეკიპაჟმა და სანაპირო დაცვის სამსახურებმა ცუდი ამინდის პირობებში მოახერხეს 400-მდე ადამიანის ევაკუირება ვერტმფრენებით. მთლიანობაში გემზე 1400-ზე მეტი მგზავრი და ეკიპაჟის წევრი იმყოფებოდა.
გარკვეული ხნის შემდეგ ეკიპაჟმა მოახერხა ძრავის ამუშავება. ამის გამო ევაკუაცია შეწყდა და ლაინერი მოლდესკენ გაემართა ტექნიკური მხარდაჭერის რამდენიმე ხომალდთან ერთად.