სომხეთში გაიმართა მამუკა ბახტაძისა და ნიკოლ ფაშინიანის არაფორმალური შეხვედრა
სომხეთის სოფელ ენოქავანში გაიმართა საქართველოსა და სომხეთის პრემიერ-მინისტრების, მამუკა ბახტაძისა და ნიკოლ ფაშინიანის არაფორმალური შეხვედრა. როგორც სომხეთის მთავრობის პრესსამსახური იტყობინება, მხარეებმა განიხილეს ქართულ-სომხური ურთიერთობების საკითხები. ბახტაძემ და ფაშინიანმა ხაზი გაუსვეს ორმხრივი შეხვედრების მნიშვნელობას როგორც ოფიციალურ, ისე არაოფიციალურ დონეზე. ეს ბახტაძის და ფაშინიანის მეორე შეხვედრა იყო. პირველი შეხვედრა იანვარში გაიმართა ბოლნისში.