აშშ-ის სახელმწიფო დეპარტამენტი რუსეთში გასამართლებული პავლო ჰრიბის გათავისუფლებას მოითხოვს
აშშ-ის სახელმწიფო დეპარტამენტმა დაგმო რუსეთში უკრაინის მოქალაქის, პავლო ჰრიბისთვის გამოტანილი განაჩენი და მისი გათავისუფლება მოითხოვა.
სახელმწიფო დეპარტამენტის წარმომადგენელმა რობერტ პალადინომ განაცხადა, რომ ჰრიბი გახდა დევნის მსხვერპლი იმის გამო, რომ წინ აღუდგებოდა უკრაინაში რუსეთის აგრესიას.
„რუსეთმა უნდა დაუყოვნებლივ დააბრუნოს ის უკრაინაში და მოუხსნას ბრალდებები“, ნათქვამია განცხადებაში. მასში აგრეთვე აღნიშნულია, რომ აშშ შეშფოთებულია 20 წლის ჰრიბის ჯანმრთელობის მდგომარეობით.
უკრაინელი სტუდენტი პაველ ჰრიბი 2017 წლის აგვისტოში გაუჩინარდა ბელარუსის ტერიტორიაზე. იქ ის თავის ნაცნობთან შესახვედრად იყო ჩასული. მოგვიანებით ჰრიბი კრასნოდარის საგამოძიებო იზოლატორში იპოვეს. ჰრიბის ნათესავები და ადვოკატი მიიჩნევენ, რომ ის რუსეთის სპეცსამსახურებმა მოიტაცეს.