ინგუშეთში კვლავ გააპროტესტეს ჩეჩნეთთან ტერიტორიების გაცვლა
ინგუშეთში ათასობით ადამიამა გააპროტესტა ჩეჩნეთთან გაფორმებული შეთანხმება საზღვრის დადგენის შესახებ. დემონსტრანტებმა დაგმეს ტერიტორიების გაცვლა, რასაც შეთანხმება ითვალისწინებს და მოითხოვეს ინგუშეთის ლიდერის, იუნუს-ბეკ ევკუროვის გადადგომა.
პოლიცია მკაცრად აკონტროლებდა რესპუბლიკის დედაქალაქ მაგასში 26 მარტს გამართულ რამდენიმესაათიან აქციას, რომელიც ხელისუფლების ნებართვით ჩატარდა.
ინგუშეთში ადრეც გაიმართა მასშტაბური საპროტესტო გამოსვლები მას შემდეგ, რაც ევკუროვმა და კადიროვმა 2018 წლის 26 სექტემბერს დახურულ კარს მიღმა გააფორმეს საზღვრის შესახებ შეთანხმება. ორი ლიდერი ამბობს, რომ შეთანხმება რამდენიმე დღეში დაამტკიცეს როგორც ჩეჩნეთის, ისე ინგუშეთის პარლამენტებმა.
დემონსტრანტების აზრით, ინგუშეთის ტერიტორიის ნაწილი გაუმართლებლად გადაეცა აღმოსავლელ მეზობელს.