ჯეკ შეფერდი თანახმაა ბრიტანეთში ექსტრადიციაზე
26 მარტს, თბილისის საქალაქოს სამართლოში გამართულ პროცესზე ჯეკ შეფერდმა განაცხადა, რომ ის თანახმაა დიდ ბრიტანეთში ექსტრადირებაზე. ბრალდებული მზადაა საკუთარი უდანაშაულობა ბრიტანულ სასამართლოში დაამტკიცოს.
„მსურს ისე ვიმოქმედო, რომ ყველაფერს ნათელი მოეფინოს, და დავუბრუნდე ჩემს ოჯახს და ჩემს ვაჟს“, - თქვა ჯეკ შეფერდმა სასამართლო პროცესზე.
დიდი ბრიტანეთის მოქალაქე ჯეკ შეფერდი თბილისში, პოლიციას 23 იანვარს ჩაბარდა, რის შემდეგაც დააკავეს და სასამართლოს მიერ შეფარდებული ჰქონდა სექსტრადიციო პატიმრობა. შეფერდს სამშობლოში ბრალად ედება გაუფრთხილებლობით სიცოცხლის მოსპობა. ის უარს აცხადებდა გამარტივებული წესით ბრიტანეთში ექსტრადიციაზე.
26 მარტს მოსამართლემ დააკმაყოფილა პროკურატურის შუამდგომლობა. რაც იმას ნიშნავს, რომ გარკვეული პროცედურების გავლის შემდეგ მოხდება შეფარდის ექსტრადირება.