რუსეთი, ირანი, არაბული ქვეყნები გმობენ გოლანის მაღლობზე ისრაელის სუვერენიტეტის აღიარებას
რუსეთი, ირანის და რამდენიმე არაბული ქვეყანა გმობს აშშ-ის პრეზიდენტ დონალდ ტრამპის გადაწყვეტილებას გოლანის მაღლობზე ისრაელის სუვერენიტეტის აღიარების შესახებ. მათი შეფასებით, ეს ნაბიჯი არღვევს საერთაშორისო სამართალს და ქმნის რეგიონში დესტაბილიზაციის გამწვავების საფრთხეს.
აშშ-ის სახელმწიფო მდივანმა, მაიკ პომპეომ 26 მარტს ვაშინგტონში უთხრა ჟურნალისტებს, რომ მას გული ატკინა, მაგრამ არ გაუოცებია საზღვარგარეთ გამოთქმულ კრიტიკას.
მანამდე რუსეთის პრეზიდენტის პრეს-მდივანმა დმიტრი პესკოვმა გამოთქვა შეფასება, რომ ასეთ გადაწყვეტილებებს „უდავოდ, უარყოფითი შედეგები“ მოაქვს ახლო აღმოსავლეთში კონფლიქტის მოსაგვარებელი ძალისხმევისათვის.
ტრამპმა 25 მარტს ხელი მოაწერა დოკუმენტს, რომლითაც აშშ-მა ოფიციალურად აღიარა გოლანის მაღლობი ისრაელის ტერიტორიად.
ისრაელის ჯარმა 1967 წელს დაიპყრო სირიაში მდებარე ეს ხრიოკი პლატო, რომელიც 1981 წელს, ფაქტიურად, მიიერთა კიდეც, რასაც არ აღიარებს საერთაშორისო თანამეგობრობა.