ლიბიაში ათასობით ადამიანი გაურბის ბრძოლებს დედაქალაქ ტრიპოლისთან
ლიბიაში, სულ ცოტა, 2800 ადამიანი გაექცა დედაქალაქ ტრიპოლისთან გასულ კვირაში დაწყებულ ბრძოლებს. ამ ინფორმაციას გაერო ავრცელებს.
4 აპრილიდან, ანუ მას შემდეგ, რაც თვითგამოცხადებულმა „ლიბიის ეროვნულმა არმიამ“ წამოიწყო იერიში ქვეყნის საერთაშორისოდ აღიარებული მთავრობის წინააღმდეგ, მოკლულია 30-ზე მეტი ადამიანი.
ლიბიანში გაეროს ჰუმანიტარული დახმარების კოორდინატორი, მარია დო ვაიე რიბეირო აღნიშნავს, რომ ბრძოლამ ხელი შეუშალა მაშველებს მსხვერპლთან და სამოქალაქო პირებთან მისვლაში, დააზიანა ელექტროგადამცემი გაზები.
იუწყებიან აგრეთვე, რომ 8 აპრილს სამხედრო თვითმფრინავმა იერიში მიიტანა ლიბიის დედაქალაქის ერთადერთ მოქმედ აეროპორტზე, რომელიც ტრიპოლიდან 20-დმე კილომეტრში მდებარეობს. აეროპორტი დაიხურა და მის მახლობლად ბრძოლები გააქტიურდა.
გაერო, აშშ, ევროკავშირი და რუსეთი დაპირისპირებულ მხარეებს დაზავებისაკენ და პოლიტიკური დიალოგის განახლებისაკენ მოუწოდებენ.