კიევის სასამართლომ უკანონოდ მიიჩნია „პრივატბანკის“ ნაციონალიზაცია, რასაც პოროშენკო "უგუნურ ნაბიჯად" თვლის
უკრაინის პრეზიდენტმა, პეტრო პოროშენკომ გამოთქვა გაფრთხილება, რომ უდიდესი ბანკის " პრივატბანკის" ნაციონალიზაციის უკანონოდ გამოცხადება სასამარლოს მიერ საფრთხეს წარმოადგენს უკრაინისთვის, თუ ბანკი კვლავ დაუბრუნდა მის პირვანდელ მფლობეს, იგორ კოლომოისკის.
კიევის ადმინისტრაციულმა საოლქო სასამართლომ უკანონოდ მიიჩნია ადრე მილიარდერ იგორ კოლომოისკის კუთვნილი ბანკის, „პრივატბანკის“ ნაციონალიზაცია.
2016 წლის ბოლოს საფინანსო პრობლემების გამო ბანკი უკრაინის სახელმწიფოს კონტროლს დაუქვემდებარეს.
პოროშენკომ სასამართლოს გადაწყვეტილებას უზოდა „უგუნური ნაბიჯი“. მისი თქმით ამას შეიძლება მოჰყვეს უკრაინის დეფოლტი და გამოიწვიოს „ახალი ეკონომიკური კრიზისი“.
სასამართლომ დაასკვნა, რომ „პრივატბანკის“ ნაციონალიზაციის დროს არ არსებობდა საკმარისი მიზეზი იმისათვის, რომ ის გადახდის უუნაროდ გამოეცხადებინათ. სასამართლოს დადგენილებაში წერია, რომ ამის გამო სახელმწიფოსთვის ბანკის მიყიდვის გადაწყვეტილება ძალა დაკარგულად ჩაითვალა მისი გაფორმების დღიდან.
სასამართლომ ამას გარდა დაადგინა, რომ პასუხიმგებელებმა, ეროვნულმა ბანკმა და უკრაინის მინისტრთა კაბინეტმა, დაარღვიეს იგორ კოლომოისკის უფლება აქტივების თავისუფლად ფლობის შესახებ.
უკრაინის ეროვნული ბანკი აცხადებს, რომ ის სასამართლოს გადაწყვეტილებას გაასაჩივრებს.