პოროშენკოს მომხრეები „ოლიმპიური“ სტადიონისკენ მიემართებიან
საპრეზიდენტო კანდიდატების დებატებამდე რამდენიმე საათით ადრე კიევის ცენტრში „მაიდან ნეზალეჟნოსტიზე“ შეიკრიბნენ უკრაინის მოქმედი პრეზიდენტის მომხრეები, რომლებსაც სიტყვებით მიმართეს კულტურის მინისტრმა, ევგენი მიშჩუკმა, „ვერხოვნა რადას“ სპიკერმა ანდრეი პარუბიმ და სულ ბოლოს თავად პეტრო პოროშენკომ.
„ 2014 წელს ბევრი დეზერტირი გვყავდა, მაგრამ უმაღლესი მთავარსარდლის პოსტზე მათგან მხოლოდ ერთი დეზერტირი აცხადებს პრეტენზიას. როგორ უნდა შეხედოს მან თვალებში ჯარისკაცებს? როგორ შეხედავს თვალებში დაღუპულთა მშობლებს“, - განაცხადა მისი კონკურენტის, ვლადიმირ ზელენსკის მისამართით პეტრო პოროშენკომ, რომელიც არწმუნებს მის მომხრეებს, რომ თუ 21 აირჩევენ, „შემდეგი 5 წლის განმავლობაში პუტინს ელოდება ხმაურიანი მარცხი უკრაინაში.“
მიტინგის მომხრეები „მაიდნიდან“ პეტრო პოროშენკოს სიტყვის დასრულების შემდეგ მისი მომხრეები, მოქმედი პრეზიდენტის მხარდასაჭერად „ოლიმპიური“ სტადიონისკენ გაემართნენ, სადაც მალე გაიმართება დებატები პრეზიდენტობის კანდიდატებს - პეტრო პოროშენკოსა და ვლადიმირ ზელენსკის შორის.
უკრაინული მედიის თანახმად, კანდიდატები დებატების დროს 3-3 შეკითხვას უპასუხებენ. ხოლო დებატებს გაუძღვებიან ჟურნალისტები ანდრეი კულიკოვი, პოროშენკოს შტაბის წინადადებით და ელენა ფროლიაკი, რომელიც ზელენსკის შტაბმა შეარჩია.