ბათუმში მეხანძრეებმა პატრონს დაუბრუნეს ცეცხლის ქრობისას აღმოჩენილი ძვირფასეულობა
ბათუმში, რევაზ კომახიძის ქუჩაზე ხანძრის ქრობისას მეხანძრე-მაშველებმა დიდი რაოდენობით ოქროს სამკაულები და სხვა ძვირფასეულობა აღმოაჩინეს და პატრონს დაუბრუნეს.
ხანძრის შედეგად დამწვარია 450 მ² ფართობი. მეხანძრე-მაშველების დროული რეაგირების შედეგად მოხერხდა შენობის მნიშვნელოვანი ნაწილის გადარჩენა.
ადგილზე მუშაობდა 11 სახანძრო-სამაშველო ჯგუფი.