კოსოვო: "ისლამური სახელმწიფოს" მეომრების ნათესავები პრიშტინაში დაბრუნდნენ
კოსოვოს იუსტიციის მინისტრი აცხადებს, რომ ქვეყანაში დაბრუნდა რამდენიმე მოქალაქე, რომელიც ენათესავება სირიაში მებრძოლი,, ექსტრემისტული ჯგუფის, "ისლამური სახელმწიფოს" მეომრებს.
აბელდარ ტაჰირის არ დაუზუსტებია ინფორმაცია ქალებისა და ბავშვების შესახებ იმ მგზავრებს შორის, რომლებიც 19 აპრილს დაფრინდნენ პრიშტინაში, თუმცა თქვა, რომ ახალი დეტალები მალე გახდება ცნობილი. "ჩვენი მოქალაქეების ნაწილის დაბრუნების ოპერაცია წარმატებით ჩატარდა" - განაცხადა ტაჰირიმ აეროპორტში. მას არც მგზავრთა რიცხვი უთქვამს.
2012 წლის შემდეგ სირიასა და ერაყში, "ისლამური სახელმწიფოს" რიგებში საბრძოლველად კოსოვოს 400-მდე მოქალაქე წავიდა. მათგან 70-ზე მეტი მოკლეს. კოსოვოს პოლიცია თებერვალში აცხადებდა, რომ სირიის კონფლიქტის ზონაში რჩებოდნენ 44 ქალი და 48 ბავშვი.
კოსოვოს კანონებით, ნებისმიერ პირს, რომელიც უცხოეთის ომში მონაწილეობს, 15 წლამდე პატიმრობა ემუქრება.