საუდის არაბეთიდან გამოქცეულ დებს მოკვლით ემუქრებიან
საუდის არაბეთიდან გამოქცეული დები ვაფა და მაჰა ალ-სუბაიები ამბობენ, რომ სოციალიური ქსელით იღებენ ძალადობისა და ანგარიშსწორების მუქარის შემცველ შეტყობინებებს.
„იცით, რომ თქვენი ბოლო, ალაჰის ნებით, კისრების მოჭრა იქნება! რადგან თქვენ ხართ სირცხვილი, სირცხვილი, სირცხვილი მთელი საზოგადოებისთვის! იცი, რომ დედაშენი ჯერაც საავადმყოფოშია და სავარაუდოდ მოკვდება? ჰიპნოთერაპიული ზედამხედველობის ქვეშაა, იცით ძუკნებო?“ - წერს ერთ-ერთ დას სოციალურ ქსელ ტვიტერში უცნობი მომხმარებელი.
„არა, მუჰამედს არ მოუცია შენი ექაუნთი, მუჰამედი შენს კისერს მომცემს ალაჰის ნებით. აი, ნახავთ, მე ჩემს სიტყვაზე ვრჩები და გაგახსენებ სიკვდილამდე რამდენიმე წუთით ადრე“, - ამ მუქარის ადრესატებიც დები არიან.
ვაფა და მაჰა ალ-სუბაიების თქმით, მათ აშინებენ, რომ ოჯახს მეფე მოჰამად ბინ სალმანთანაც კი აქვს კომუნიკაცია.
საუდის არაბეთიდან გამოქცეულმა დებმა საქართველოს მთავრობას ლტოლვილის სტატუსის მისაღებად მიმართეს, თუმცა საქართველოში მუდმივად დარჩენას არ აპირებენ. ამჟამად დები თავშესაფარში იმყოფებიან. მათ დაცვასა და ადგილსამყოველის მკაცრად გასაიდუმლოებაზე სახელმწიფო იღებს ვალდებულებას. დები საქართველოს ტერიტორიაზე 1 აპრილიდან იმყოფებიან. ვაფა და მაჰა ალ-სუბაიები საერთაშორისო ორგანიზაციებს სთხოვენ უსაფრთხო ქვეყანაში თავშესაფრის მიღებას.