სისხლიანი თავდასხმა განხორციელდა ქაბულში, სამთავრობო შენობაზე
სულ მცირე შვიდი ადამიანი დაიღუპა ქაბულის ცენტრში, როცა შეიარაღებული პირები თავს დაესხნენ კომუნიკაციების სამინისტროს - იუწყებიან ოფიციალური პირები. იერიშზე პასუხისმგებლობა ჯერჯერობით არავის უკისრია.
თავდასხმა დაიწყო თორმეტი საათამდე მცირე ხნით ადრე, აფეთქებით სამინისტროს შესასვლელთან, რასაც სროლა მოჰყვა. პოლიციის ცნობით, სამინისტროს წინ თვითმკვლელმა მოიერიშემ აიფეთქა თავი და სხვა თავდამსხმელებს გზა გაუხსნა შენობაში შესვლისკენ.
შინაგან საქმეთა სამინისტროს ცნობით, დაღუპულია ოთხი სამოქალაქო პირი და სამი ჯარისკაცი, დაჭრილია რვა სამოქალაქო პირი. თავდასხმა რამდენიმე საათს გაგრძელდა და დასრულდა ოთხივე თავდამსხმელის ლიკვიდირებით ავღანეთის უსაფრთხოების ძალების მიერ.