ხორავას საქმეზე ბრალდებულ არასრულწლოვანს პატიმრობა მიესაჯა
ხორავას ქუჩაზე მოკლული მოზარდების საქმეზე ცრუ ჩვენების მიცემისთვის ბრალდებულ დ.ღ-ს სასამართლომ პატიმრობა მიუსაჯა.
დ.ღ.სასამართლო დარბაზშივე დააკავეს და 2 წელი და 3 თვე მიუსაჯეს.
არასრულწლოვანთა მართლმსაჯულების კოდექსის შესაბამისად, დ.ღ-ს სასჯელი ერთი მეოთხედით შეუმცირდა. მას პატიმრობაში გატარებული 6 თვე სასჯელის მოხდად ჩაეთვლება და საერთო ჯამში საპატიმროში 1 წელს და 9 თვეს დარჩება.
დ.ღ. 2017 წლის პირველ დეკემბერს, ხორავას ქუჩაზე მომხდარი მკვლელობის შემდეგ დააკავეს, თუმცა მოგვიანებით ის 5000 ლარიანი გირაოს საფუძველზე სასამართლო დარბაზიდან გაათავისუფლეს. არასრულწლოვანს ექვსთვიანი საპატიმრო ვადა 19 იანვარს ეწურებოდა.