გვარამია: „რუსთავი 2“ ისე გადაიფორმეს, როგორც ოროთახიანი „ხშუშჩოვკა“
„ცოტა ხანში ვეტყვით საზოგადოებას რა მოხდება“, - უთხრა „რუსთავი 2“-ის ჟურნალისტს ამავე არხის უკვე ყოფილმა გენერალურმა დირექტორმა ნიკა გვარამიამ.
მისი თქმით, დამაბნეველი იყო არა მხოლოდ თავად სტრასბურგის სასამართლოს გადაწყვეტილება „რუსთავი 2“-თან დაკავშირებით, არამედ უცხოელი პარტნიორების დუმილი და ჯერჯერობით თავშეკავება.
გვარამიას განცხადებით, სრულიად არადამაბნეველი და გასაგებია ლავროვის, დუმის და პუტინის მოთხოვნით ბიძინა ივანიშვილის მიერ დახურვა მისი მთავარი საძულველი არა არხის, არამედ მიზნის:
„ისე გადაიფორმეს „რუსთავი 2“ ერთ საათში, როგორც ოროთახიანი „ხრუშჩოვკა“, - თქვა ნიკა გვარამიამ.
ნიკა გვამია ამბობს, რომ ჯერჯერობით არც ხელისუფლების შემაკავებელი ბარიერები ჩანს ყველაზე მნიშვნელოვანი პარტნიორებისგან, ვისაც პროცესების შეკავება შეუძლია.
„რუსთავი“-ის ყოფილი დირექტორი ასევე ამბობს, რომ ის აუცილებლად მოიგებს მის კონტაქტთან დაკავშირებულ დავას და აიღებს იმ 5 მილიონ პირგასამტეხლოსაც, რომელიც მის კონტრაქტშია ჩადებული და რომელსაც ისევ ახალ ტელევიზიაში ჩადებს, თუმცა ამას გარკვეული დრო დასჭირდება.
„რაც შეეხება „რუსთავი 2“-ს - ეს ტელევიზია ქიბარ ხალვაშის იქნება იმ ვადით, რა ვადითაც არის ეს ხელისუფლება ქვეყნის სათავეში. ამის შემდეგ ეს სიტუაცია ერთ დღეში ამოტრიალდება“, -განაცხადა ნიკა გვარამიამ.
"რუსთავი 2"-ის გადაფორმების შემდეგ, ქიბარ ხალვაშმა საჯარო რეესტრს მიმართა და არხის გენერალური დირექტორის, ნიკა გვარამიას ჩანაცვლება ოფიციალურად მოითხოვა, რაც საჯარო რეესტრმა დაუკმაყოფილა კიდეც.