აქციის 29-ე დღე - "რუსთავი 2"-ის ქიბარ ხალვაშისთვის გადაფორმების ფონზე
ანტისაოკუპაციო აქცია "სირცხვილიას" 29-ე დღე რუსთაველის გამზირზე თავისუფალ მედიას მიეძღვნა. საპროტესტო აქცია, რომლის მთავარი მოთხოვნა შს მინისტრი გიორგი გახარიას გადადგომაა, ყოველდღე სხვადასხვა თემას ეძღვნება.
18 ივლისს, აქციის მონაწილეები ტელეკომპანია "რუსთავი 2"-ის გარშემო განვითარებულ მოვლენებს გამოეხმაურნენ.
მედიის მკვლევარის, ნინო დანელიას განცხადებით, საზოგადოებას უნდა ესმოდეს, რატომ არის მნიშვნელოვანი ქვეყანაში კრიტიკული მედიის არსებობა:
"როდესაც ვამბობთ, რომ "რუსთავი 2" ჩვენია ეს ზუსტდა ამას ნიშნავს, რომ დამოუკიდებელი მედია ქვეყანაში უნდა არსებობდეს, ჩვენ ეს გვჭირდება".
აქციის მონაწილეებს მიმართა "ევროპული საქართველოს" წევრმა ელენე ხოშტარიამააც და ყველა ჟურნალისტს გამოუცხადა სოლიდარობა: "ჩვენთვის მთავარია თავისუფალი სიტყვა და ამას არ დავთმობთ".
"რესპუბლიკელი" დავით ზურაბიშვილის სიტყვებით კი, ხელისუფლებას არ გამოუვა თავისუფალი სიტყვის ჩახშობა და ვერც ბიძინა ივანიშვილი მიაღწევს მიზანს - ტელევიზორში, როგორც ზღაპრულ ჯადოსნურ სარკეში ის დაინახოს, რაც თავად ესიამოვნება.
რუსთაველზე მიმდინარე აქციების დაწყებიდან 20 ივლისს 1 თვე გადის. ამ დღეს ორგანიზატორები დიდი აქციის ჩატარებას გეგმავენ.