მოსალოდნელი საფრთხის გამო რუსი მორაგბეები აღარ ჩამოვლენ საქართველოში ამხანაგური შეხვედრის ჩასატარებლად
რუსეთის რაგბის ფედერაციამ გადაწყვიტა, გააუქმოს საქართველოს ეროვნულ ნაკრებთან თბილისში დანიშნული ამხანაგური შეხვედრა, რომელიც 27 აგვისტოს იყო დაგეგმილი. სააგენტო „ინტერფაქსის“ ცნობით, რუსეთის უწყებაში ამის მიზეზად დაასახელეს საქართველოში შექმნილი ვითარება.
„სამწუხაროდ, საქართველოში მიმდინარე რადიკალურად განწყობილი პირების გამოსვლები მთავრდება საზოგადოებრივი წესრიგის დარღვევებით, რამაც, შესაძლოა, საფრთხე შეუქმნას ამ ქვეყანაშ მყოფი პირების სიცოცხლესა და ჯანმრთელობას. ამ გარემოებების გამო, იძულებული ვართ გაცნობოთ, რომ რუსეთის რაგბის ფედერაცია შეუძლებლად მიიჩნევს საქართველოსა და რუსეთის ნაკრებებს შორის მატჩის გამართვას, რომელიც 2019 წლის 27 აგვისტოს იყო დაგეგმილი“, - ნათქვამია განცხადებაში.
ამასთან, აღნიშნულია, რომ ფედერაცია ღრმად სცემს პატივს „საქართველოს რაგბის კავშირთან დამყარებულ პარტნიორულ ურთიერთობებს“.