აქციის #სირცხვილია მონაწილეები მრგვალი ბაღის გახსნაზე არ შეუშვეს
19 ივლისს, თბილისში, რეაბილიტირებული მრგვალ ბაღის გახსნის ღონისძიებაზე პოლიციამ არ შეუშვა საპროტესტო აქციის (# სირცხვილია) მონაწილეები.
სამოქალაქო აქტივისტთა ჯგუფი თვალზე ხელაფარებული აპროტესტებდა 20-21 ივნისს რუსთაველის გამზირზე განვითარებულ მოვლენებს. მრგვალ ბაღში იმყოფებოდნენ პრემიერ-მინისტრი და "ქართული ოცნების" გენერალური მდივანი, დედაქალაქის მერი კახი კალაძე.
პოლიციამ მიმართა აქციის მონაწილეებს, რომ მათ ღონისძიების ჩაშლის საშუალებას არ მისცემდა. სამოქალაქო აქტივისტები კი აცხადებდნენ, რომ ისინი ღონისძიების ჩაშლას არ აპირებდნენ, უბრალოდ მათი მიზანი იყო, რომ ხელისუფლების წარმომადგენლებისთვის პასუხისმგებლობა შეეხსენებინათ.
აქციის მონაწილეების განცხადებით, ვიდრე გიორგი გახარია შინაგან საქმეთა მინისტრის პოსტზე რჩება, ახალგაზრდები ყოველთვის შეუქმნიან დისკომფორტს ხელისუფლებას. გიორგი გახარიას გადადგომის მოთხოვნით რუსთაველის გამზირზე აქციები უკვე 30 დღეა მიმდინარეობს.