ირანმა დაიწყო ურანის გაზების ჩატუმბვა ცენტრიფუგებში
ირანმა დაიწყო უახლეს ცენტრიფუგებში ურანის გაზების ჩატუმბვა, რაც მსოფლიოს წამყვან სახელმწიფოებსა და ირანს შორის 2015 წლის მიღწეული საერთაშორისო შეთანხმების დარღვევაა.
ამის შესახებ ირანის ატომური ენერგეტიკის უწყების პრესმდივანმა, ბეჰრუზ კამალვანდიმ განაცხადა 7 სექტემბერს, ორ დღეში მას შემდეგ, რაც თეირანისგან გაისმა გაფრთხილება, რომ აპირებდა მსგავსი ნაბიჯის გადადგმას აშშ-ის პასუხად, რომელმაც ხელშეკრულება შარშან დატოვა.
კამალვანდიმ აღნიშნა, რომ თეირანი იმუშავებს ასევე ახალი ტიპის ცენტრიფუგებზე. „ასეთი რამ ახლა არ გვჭირდება, მაგრამ ახალი ტიპის ცენტრიფუგებზე მუშაობა ჩვენს დღის წესრიგში გათვალისწინებულია“, - უთხრა ირანელმა მოხელემ სააგენტო „როიტერს“.
ეს ნაბიჯები შეამცირებს დროს, რაც აუცილებელია ირანისათვის, თუ ბირთვული იარაღის შექმნისათვის საჭირო მასალების საკმარისი მარაგის შექმნას გადაწყვეტს.