ერევნის სასამართლო განიხილავს ექსპრეზიდენტ ქოჩარიანის გათავისუფლების საკითხს
სომხეთის გენერალური პროკურატურა უსაფუძვლოდ მიიჩნევს ქვეყნის ყოფილი პრეზიდენტის, რობერტ ქოჩარიანის წინააღმდეგ საქმის შეწყვეტას ან საპატიმროდან გათავისუფლებას, რასაც დაცვის მხარე მოითხოვს.
ორივე მხარემ თავიანთი არგუმენტები 9 სექტემბერს სასამართლოს წარუდგინეს მას შემდეგ, რაც ქოჩარიანის დაცვამ ასეთი შუამდგომლობა დააყენა გასულ კვირაში საკონსტიტუციო სასამართლოს მიღებული გადაწყვეტილების შემდეგ, რომელშიც სომხეთის ყოფილი პრეზიდენტის დაპატიმრება ივლისში „არაკონსტიტუციურად“ არის შეფასებული.
პროკურატურა ამტკიცებს, რომ კონსტიტუცია არ ანიჭებს ქოჩარიანს იმუნიტეტს, რომ გათავისუფლდეს პასუხისმგებლობისგან, მის მიერ 2008 წლის საპრეზიდენტო არჩევნების შემდეგ საგანგებო მდგომარეობის გამოცხადებისა და ანტისამთავრობო დემონსტრაციების ჩახშობისთვის.
2008 წლის აპრილში, სადავო საპრეზიდენტო არჩევნებიდან ერთ თვეში, ქოჩარიანმა საგანგებო მდგომარეობა გამოაცხადა, შეტაკებების შემდეგ, რომლებსაც ემსხვერპლა სულ მცირე რვა ადამიანი, მათ შორის - პოლიციელები.
ქოჩარიანის დაცვის მხარის შუამდგომლობაზე ერევნის სასამართლო მოსმენებს 12 სექტემბერს გეგმავს.