აშშ და ბელარუსი აპირებენ დააბრუნონ ელჩები ვაშინგტონსა და მინსკში
აშშ-მა და ბელარუსმა 11 წლიანი ინტერვალის შემდეგ გადაწყვიტეს აღადგინონ დიპლომატიური წარმომადგენლობები ელჩების დონეზე ვაშინგტონსა და მინსკში. ამის შესახებ გამოცხადდა 17 სექტემბერს მინსკში, აშშ-ის სახელმწიფო მდივნის მოადგილის დევიდ ჰეილისა და პრეზიდენტ ალექსანდ ლუკაშენკოს შეხვედრის შემდეგ.
დევიდ ჰეილმა აღნიშნა, რომ ვაშინგტონი ყურადღებით ეკიდება რეგიონში არსებულ უსაფრთხოების გამოწვევებს და მხარს უჭერს ბელარუსის სუვერენიტეტსა და დამოუკიდებლობას.
2019 წლის იანვარში ბელარუსმა აცნობა აშშ-ს მინსკში ამერიკელი დიპლომატების მიმართ დაწესებული შეზღუდვების მოხსნის თაობაზე. მაშინ ჟურნალმა „ფორინ პოლისმა“ ამ გადაწყვეტილებას უწოდა „დიპლომატიური გარღვევა“.
ორ ქვეყანას შორის ურთიერთობების გაციების პერიოდი დაიწყო 2008 წლიდან, როდესაც ბელარუსის ხელისუფლებამ 35-იდან 5-კაცამდე შეამცირა აშშ-ის საელჩოს დიპლომატიური შტატი მინსკში. ხოლო ელჩების ფუნქციის შესრულება, დროებით რწმუნებულებს დაეკისრათ. ასე გამოეხმაურა მინსკი ვაშინგტონის მიერ რესპუბლიკაში ადამიანის უფლებათა დაღვევებისათვის დაწესებულ სანქციებს.