ისრაელში ვადამდელი საპარლამენტო არჩევნები მიმდინარეობს
ისრაელში მიმდინარეობს ვადამდელი საპარლამენტო არჩევნები, რომელშიც მოქმედი პრემიერ-მინისტრი ბენიამინ ნეტანიაჰუ, სარეკორდო, მეხუთე ვადით ცდილობს პოსტზე დარჩენას.
წინასწარი პროგნოზებით, ნეტანიაჰუს მემარჯვენე-ცენტრისტული „ლიკუდის“ პარტიის მთავარი მეტოქეა ცენტრისტული „ლურჯის და თეთრის“ პარტია, რომელსაც ისრაელის არმიის გენერალური შტაბის ყოფილი უფროსი, ბენი განცი უდგას სათავეში.
ისრაელში ვადამდელი საპარლამენტო არჩევნები მას შემდეგ დაინიშნა, რაც პრემიერ-მინისტრმა ნეტანიაჰუმ აპრილის არჩევნების შედეგად ვერ მოახერხა კოალიციის ფორმირება. „ლიკუდისა“ და „ლურჯისა და თეთრის“ პარტიებმა, თითოეულმა 35-35 მანდატი მოიპოვეს 120-ადგილიან კნესეტში, ისრაელის საკანონმდებლო ორგანოში.
ნეტანიაჰუს, ისრაელის ისტორიაში ყველაზე სტაჟიანი პრემიერ-მინისტრის პოზიციები შეარყია, მექრთამეობასა და თაღლითობის ბრალდებებთან დაკავშირებულმა სკანდალმა, მას ბრალს დებენ ასევე ნდობით ბოროტად სარგებლობაში, კორუფციის სამ შემთხვევასთან დაკავშირებით.
საარჩევნო კამპანიის დროს მემარჯვენეთა გულის მოსაგებად ბენიამინ ნეტანიაჰუმ განაცხადა, რომ, თუ მას ხელახლა აირჩევენ იგი „ისრაელის სუვერენტეტს გაავრცელებს იორდანეს ველზე“.
იუწყებიან, რომ ნეთანიაჰუს მიერ გამოცხადებული გეგმა მდინარე იორდანეს დასავლეთ სანაპიროს ერთი-მესამედის დაკავებას გულისხმობს.