„სირცხვილიას“ აქციამდე „ნაციონალური მოძრაობა“ პრეზიდენტის სასახლესთან იკრიბება
სამოქალაქო მოძრაობა „სირცხვილიას“ მიერ ორგანიზებულ აქციას „ერთიანი ნაციონალური მოძრაობა“ პრეზიდენტის სასახლის მიმდებარე ტერიტორიიდან შეუერთდება. პარლამენტთან ისინი ათონელის ქუჩიდან გადაინაცვლებენ. ამ წუთებში „ნაციონალური მოძრაობის“ წევრები საქართველოს პრეზიდენტის ათონელის სასახლესთან იკრიბებიან და ტრანსპარანტებით აპროტესტებენ სალომე ზურაბიშვილის მიერ განხორციელებულ პატიმართა შეწყალების აქტს.
სამოქალაქო მოძრაობა „სირცხვილიას“ მიერ ორგანიზებული საპროტესტო აქცია პარლამენტის შენობის წინ 19 საათზეა დაგეგმილი. აქცია ე.წ. გავრილოვის ღამიდან 3 თვის თავზე იმართება. მასში მონაწილეობას პოლიტიკური პარტიებიც მიიღებენ.