მაუკა ხაზარაძე: გამოვედი იმიტომ, რომ თავისუფლების გარეშე არც ბიზნესი არ ვარგა, არც ქვეყანა
„გამოვედი იმიტომ, რომ თავისუფლების გარეშე არც ბიზნესი არ ვარგა, არც ქვეყანა არ ვარგა, არც ადამიანი არ ვარგა. გამოვედი იმიტომ, რომ თქვენთან ერთად დავდოთ ის განვითარების პერსპექტივა რომელიც არასდროს არ დადებულა სამწუხაროდ. არ დადებულა ბოლო წლების განმავლობაში“,- განაცხადა საზოგადოებრივი მოძრაობა „ლელოს“ დამფუძნებელმა მამუკა ხაზარაძემ „სირცხვილიას“ მიერ ორგანიზებულ საპროტესტო აქციაზე.
ხაზარაძის თქმით, საზოგადოებამ თავისუფლების იდეის გარშემო გაერთიანება უნდა შეძლოს იმისთვის, რათა გამარჯვებული და ბედნიერი ქვეყანა ააშენოს:
„ბიძინა ივანიშვილის კი არა, ამ სისტემის, ამ საბჭოთა, დამყაყებული მენტალობის წინააღმდეგ უნდა წავიდეთ ჩვენ იმიტომ, რომ ეს ქვეყანა ან შეძლებს ძალიან მოკლე დროში, ერთ წელში მობილიზებას, პროგრამის დადებას და ძალიან სწრაფ ცვლილებებს, ან ჩვენ ვართ ძალიან დიდი პრობლემები წინაშე-უმუშევრობის, ეკონომიკის ვარდნის, ინვესტიციის არშემოსვლის, გაურკვეველი ვექტორის, ერთმანეთზე გადაკიდების. დახლეჩილი საზოგადოების“,- განაცხადა მამუკა ხაზარაძემ თავის საპროტესტო აქციაზე. მისი თქმით, ეს არის მისი პირველი ამგვარი გამოსვლა.
თბილისში, პარლამენტის წინ, მოძრაობა “სირცხვილია” 20 ივნისის, ე.წ. გავრილოვის ღამის მოვლენებიდან 3 თვის თავზე მასშტაბურ საპროტესტო აქციას მართავს.აქციაში მონაწილეობენ პოლიტიკური პარტიებიც. ხალხის სიმრავლის გამო რუსთაველის პროსპექტი გადაკეტილია.