აშშ-მა ახალი სანქციები დაუწესა ირანს
აშშ-მა დაუწესა ირანის უწყებებს, სხვათა შორის მის ცენტრალურ ბანკს და სამთავრობო საინვესტიციო ფონდს, ახალი სანქციები საუდის არაბეთის სანავთობო ინფრასტრუქტურაზე თავდასხმის შემდეგ. აშშ ირანს ადანაშაულებს თავდასხმაში, რიადი თვლის, რომ ნავთობის მის ობიექტებზე განხორციელებული თავდასხმის უკან ირანი დგას.
აშშ-ის პრეზიდენტმა დონალდ ტრამპმა თეთრს სახლთან ჟურნალისტებს ამცნო, რომ ეს სანქციები უმკაცრესია, როგორიც კი ოდესმე დაუწესებიათ რომელიმე ქვეყნისთვის.
სანქციები შეეხება ცენტრალურ ბანკს, სამთავრობო სიანვესტიციო ფონდს და ირანში დაფუძნებულ კომპანიას, „ეთემად ჰეჯარათე ფარს“, იტყობინება აშშ-ის ფინანსთა სამინისტრო.
განცხადებაში წერია, რომ ეს ორგანიზაციები მთავარ საფინანსო წყაროს წარმოადგენენ ირანის რევოლუციური გვარდიის გუშაგთა კორპუსის, მისი უცხოური ფილიალის „ყუდსის“ ძალების და შეიარაღებული მოძრაობის, „ჰიზბოლასთვის“.
ვაშინგტონმა ნაბიჯი გადადგა სპრსეთის ყურეში დაძაბულობის ფონზე, რაც გამწვავდა საუდის არაბეთის სანავთობო ობიექტებზე 14 სექტემბრის თავდასხმის შემდეგ.
იემენში მოქმედი, ჰუთის მიმდევარი მეამბოხეები, რომლებსაც თეირანი ეხმარება, აცხადებენ, რომ მათ განახორციელეს თავდასხმა.
აშშ ირანს ადანაშაულებს თავდასხმაში, რიადი თვლის, რომ ნავთობის ობიექტებზე განხორციელებული თავდასხმის უკან ირანი დგას. თეირანი უარყოფს თავდასხმასთან კავშირს.