პროკურორის მოადგილე: სააკაშვილისა და მერაბიშვილის განაჩენების შემდეგ, ნდობა პროკურატურის მიმართ გაიზარდა
გენერალური პროკურორის მოადგილე მამუკა ვასაძე მიიჩნევს, რომ პროკურატურის მიმართ საზოგადოებაში ნდობა გაიზარდა მას შემდეგ, რაც მიხეილ სააკაშვილისა და ვანო მერაბიშვილის საქმეებზე გამამტყუნებელი განაჩენი დადგა. ვასაძე - რომელიც ახლა უზენაესი სასამართლოს მოსამართლეობის კანდიდატია - პარლამენტში დეპუტატების კითხვებს პასუხობს.
„ყოფილი პრეზიდენტის სისხლის სამართლის საქმეები - ოთხი საქმეა, საიდანაც ორზე განაჩენია დამდგარი. ყოფილი პრემიერისა და ვაზაგაშვილის საქმეები. ვფიქრობ, ეს ის სისხლის სამართლის საქმეებია, რომელმაც საზოგადოებაში, სავარაუდოდ, ნდობის ხარისხი პროკურატურის მიმართ გაზარდა“, - ამბობს ვასაძე.