საიდან მოვიდა ხალხის კატა?
თბილისის ქუჩებში ხალხის კატა რამდენიმე წლის წინ გამოჩნდა. ის მისივე დახასიათებით პოლიტიკური ფიგურაა, რომელიც თავს ვალდებულად თვლის, ისეთ საკითხებზე, როგორიცაა მაგალითად ეკოლოგია და არაფორმალური მმართველობა, საკუთარი აზრი და პოზიცია დააფიქსიროს და ხალხს მოქმედებისკენ მოუწოდოს. ხალხის კატა პერიოდულად ჩნდება ქუჩებში, აქციებსა და დემონსტრაციებზე.
მისთვის, ვინც კატის ნიღბის უკან იმალება, "ხალხის კატა" აქტივიზმის ახალი ფორმების ძიებისას გაჩენილი იდეა და ექსპერიმენტია.