გიორგი ვაშაძე: ოპოზიციის ლიდერები შეთანხმდნენ გეგმაზე, რომელსაც 17 ნოემბრის აქციაზე გააჟღერებენ
ლეიბორისტული პარტიის ოფისში დასრულდა ოპოზიციური პარტიების ლიდერთა შეხვედრა, რომლის მიზანი იყო 17 ნოემბრისთვის დაგეგმილ მასშტაბურ საპროტესტო აქციასთან დაკავშირებული საკითხების შეთანხმება.
შეხვედრის რამდენიმე მონაწილემ აქციის შემდეგ ჟურნალისტებთან საუბარში აღნიშნა, რომ ოპოზიციური სპექტრი ყველა მოთხოვნაში ერთიანია.
როგორც „ახალი საქართველოს“ ლიდერმა, გიორგი ვაშაძემ განაცხადა, მთავარი მოთხოვნაა ვადამდელი საპარლამენტო არჩევნების ჩატარება პროპორციული წესით, მთავრობის გადადგომა და, შესაბამისად, ცვლილებები ცენტრალურ საარჩევნო კომისიაში.
„ჩვენ გვაქვს კონკრეტული გეგმა, როგორ მივიყვანთ ბოლომდე ჩვენს მოთხოვნებს, როგორ გავაგრძელებთ ხვალინდელ დღეს. ეს ყველაფერი გაჟღერდება უშუალოდ აქციაზე. დღეს ჩვენ ამის შესახებ არ გეტყვით, რადგან ეს არის კონკრეტული სამოქმედო გეგმა, რომელსაც ჩვენ ხვალ აქციაზე გავაჟღერებთ. გვაქვს ძალიან მკაფიო გეგმა, მათ შორის ახალგაზრდებთან შეთანხმებით,“ თქვა ვაშაძემ.