ჩეხეთში სისხლის სამართლის საქმე აღძრეს ჩეხოსლოვაკიის ორი ყოფილი ლიდერის წინააღმდეგ
ჩეხეთმა სისხლის სამართლის საქმე აღძრა ყოფილი ჩეხოსლოვაკიის კომუნისტური პარტიის გენერალური მდივნის, მილოშ იაკეშისა და სოციალისტური ჩეხოსლოვაკიის მთავრობის თავმჯდომარის, ლიუბომირ შტროუგალის წინააღმდეგ.
კომუნისტური რეჟიმის ორ ყოფილი წამყვანი ფუნქციონერი ბრალდებულია ჩეხოსლოვაკიის საზღვრის გადაკვეთის მცდელობის დროს სულ მცირე 9 კაცის სიკვდილში. საქმეში გადის ასევე ყოფილი შინაგან საქმეთა მინისტრი, ვრატისლავ ვაინარი.
ბრალდების თანახმად, ჩეხოსლოვაკია 1976 წელს შეუერთდა პოლიტიკური და სამოქალაქო თავისუფლებათა პაქტს, რომლის თანახმად მოქალაქეებს უნდა მისცემოდათ უფლება ქვეყნის თავისუფლად დატოვებისა.
მაგრამ ჩეხოსლოვაკიის საბჭოთა რესპუბლიკაში მოქმედი კანონის თანახმად, ქვეყნიდან გასვლა შეზღუდული იყო, ხოლო მესაზღვრეებს მითითება ჰქონდათ, რომ გაეხსნათ ცეცხლი და საზღვრის დამრღვევზე ძაღლები მიეშვათ.
მილოშ იაკეში, 1987-89 წლებში ჩეხოსლოვაკიის კომუნისტური პარტიის გენერალური მდივანი, თანამდებობიდან გადადგა ხავერდოვანი რევოლუციის შემდეგ. ლიუბომირ შტროუგალი ჩეხოსლოვაკიის პრემიერ-მინისტრი იყო პრეზიდენტ გუსტავ გუსაკის დროს, პრაღის გაზაფხულის ჩახშობის შემდეგ.
იაკეში, 97 წლისაა, შტროუგალი - 95. ასაკის გამო, გამოძიების დროს ისინი საპატიმროში არ მოათავსეს.
კომუნისტური რეჟიმი, რომელიც 1948 წლიდან 1989 წლამდე არსებობდა, ჩეხეთში დანაშაულებრივად არის გამოცხადებული. მაგრამ რეალური განაჩენი მის ყოფილი ფუნქციონერების მიმართ არასოდეს დამდგარა. იგივე იაკეში 1968 წელს, საბჭოთა ინტერვენციის ხელშეწყობისათვის იყო მიცემული სისხლის სამართლის პასუხისგებაში, მაგრამ გაამართლეს საკმარისი სამხილების არარსებობის გამო.