ჯანდაცვის მსოფლიო ორგანიზაცია: კორონავირუსის საფრთხემ უმაღლეს წერტილს მიაღწია
გაეროს ჯანმრთელობის დაცვის უწყების თანახმად, ახალი კორონავირუსის საფრთხემ უმაღლეს წერტილს მიაღწია მთელ მსოფლიოში მაშინ, როცა ჩინეთში, საიდანაც გავრცელდა თავდაპირველად ვირუსი, დაავადებულთა გავრცელების სისწრაფემ იკლო. ამის თაობაზე ჟენევაში განაცხადა 28 თებერვალს, ორგანიზაციის ხელმძღვანელმა, ტედროს ადჰამონ ღებრეიესუსმა.
კორონავირუსის გავრცელებამ საფრთხე შეუქმნა მსოფლიოს ეკონომიკას და მსოფლიოს ბირჟებზე გრძელდება კურსების მკვეთრი დაცემა ახალი ტიპის კორონავირუსის გავრცელების ფონზე.
COVID-19-ით ინფიცირებულია 83,000 ადამიანი. ვირუსს ემსხვერპლა 2800 პირი. დაღუპულთა უდიდესი რაოდენობა მოდის ჩინეთზე, სადაც დაავადება დეკემბრის შემდეგ გავრცელდა.
28 თებერვალს კორონავირუსის პირველი შემთხვევების შესახებ გამოაცხადეს აზერბაიჯანმა, ბელორუსმა, დანიამ, ესტონეთმა, ლიეტუვამ, მექსიკამ და ახალმა ზელანდიამ.
ტედროსის თქმით, მთავარია გზა გადაეკეტოს დაავადების გავრცელებას. მისივე თქმით, კაცობრიობის მტერი იმდენად ვირუსი არ არის, რამდენადაც შიში, ჭორები და სტიგმა და დამხმარე კი - ფაქტები, გონიერება და სოლიდარობა.
ახლო აღმოსავლეთში ირანი გახდა ვირუსის გავრცელების მთავარი ქვეყანა, სადაც 34-მდე გაიზარდა დახოცილთა რიცხვი ბოლო 24 საათში.