Мы в Telegram
Добавить новость
103news.com
World News in Georgian
Сентябрь
2020

აპრილის შემდეგ COVID-19-ის ყველაზე მაღალი მაჩვენებელი დაფიქსირდა - რა არ უნდა გამოგრჩეს 3 სექტემბერს

0

38 ახალი შემთხვევა: გახდება თუ არა ეს ზომების გამკაცრების მიზეზი?

საქართველოში აპრილის შემდეგ კორონავირუსით ინფიცირების ყველაზე მეტი ახალი შემთხვევა გამოვლინდა. ახალი, 38 ინფიცირებულიდან 12-ის წყარო უცნობია.

დადასტურებული შემთხვევიდან 22 ბათუმის საკონდიტრო-მაღაზია "დონას" კლასტერს განეკუთვნება. ბათუმის ბულვარში დადგმულ ტესტირების კარვებში ახლა იმ ადამიანებს ამოწმებენ, რომლებიც ბოლო დროს საკონდიტორში იმყოფებოდნენ.

ვირუსი აღმოაჩნდა ჩაქვში, სასტუმრო ოაზისის სტუმარ ექიმს. სასტუმროში 400-მდე ექიმი კონფერენციაზე იმყოფებოდა. ისინი კარანტინსა და თვითიზოლაციაში გადაიყვანეს.

ინფიცირებულთა შორის არიან თბილისში, ვაჟა-ფშაველას გამზირზე, სამედიცინო უნივერსიტეტის მოპირდაპირე მხარეს მდებარე "ნიკორას" 2 თანამშრომელი და დედაქალაქში, რუსთავის გზატკეცილზე მდებარე მაღაზიის თანამშრომლებიცც.

დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელი ამირან გამყრელიძე მოსახლეობას დისტანციის დაცვის, პირბადის ტარებისა და ხელების ხშირი ბანვის წესებს შეახსენებს. მთავრობა კი ამ ეტაპზე ბათუმის ჩაკეთვას არ გეგმავს. პრემიერ გიორგი გახარიას თქმით ეპიდემდგომარეობა ვერც სასწავლო პროცესს შეაფერხებს და სკოლები 15 სექტემბრიდან გაიხსნება.

ამ თემაზე ასევე ნახე:

200-ლარიანი დახმარების ჩარიცხვა დღეიდან იწყება - გიორგი გახარია

 

 

 

 

„ბორდერიზაცია“ გრძელდება - ახალი ხნული ყარაფილაში

ორი დღეა, კასპის მუნიციპალიტეტის სოფელ ყარაფილას მინდვრებში საოკუპაციო ძალების ტექნიკა მუშაობს. პროცესს ანტისაოკუპაციო მოძრაობის წევრები მოსალხოებასთან ერთად აკვირდებიან. მათი ინფორმაციით თხრილები ხანძარსაწინააღმდეგო დანიშნულებისაა, თუმცა მოძრაობის წევრები არ გამორიცხავენ, რომ მალე თხრილების გასწვრივ ე.წ საზღვრის აღმმნიშვნელი ბანერები შეიძლება გამოჩნდეს.

საოკუპაციო ძალების გააქტიურებას სახელმწიფო უსაფრთხოების სამსახურიც გამოეხმაურა. უწყების ინფორმაციით, გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია. მეორე დღეა საოკუპაციო ხაზის სიახლოვეს სოფლების მოსახლეობასთან სახელმწიფო მინისტრი თეა ახვლედიანი ხვდება.

სოფელ ყარაფილას მიდამოებში, ისევე როგორც ოკუპირებულ ორჭოსნში გადის ბაქო-სუფსას ნავთობსადენი. ამ ნავთობსადენის რამდენიმე ათეულმეტრიანი მონაკვეთი ოკუპირებულ ტერიტორიაზეა მოქცეული. ახალი ხნული კი საქართველოს ხელისუფლების მიერ კონტროლირებულ ტერიტორიაზე კიდევ უფრო შიგნით გაავლეს. 

წაიკითხე მეტი.

 

 

გერმანია აცხადებს, რომ ნავალნის სისხლში "ნოვიჩოკის" ჯგუფის ქიმიური ნივთიერება ნახეს

რუსი ოპოზიციონერის ალექსეი ნავალნის ორგანიზმში "ნოვიჩოკის" ტიპის ნერვული აგენტი აღმოჩნდა - ამ ინფორმაციას გერმანიის მთავრობა ავრცელებს. სწორედ გერმანიაში, "შარიტეს" კლინიკაში მკურნალობს ახლა ნავალნი. 

საგანგებო ბრიფინგზე, სადაც საგარეო საქმეთა და თავდაცვის მინისტრებმა დააადასტურეს, რომ ნავალნის სისხლში მომწამვლელი ნივითიერება აღმოჩნდა საგარეო საქმეთა მინისტრმა, ჰაიკო მაასმა განაცხადა, რომ გერმანია მკაცრად გმობს ნავალნიზე თავდასხმას და მოითხოვს რუსეთის მთავრობისგან საქმის გამოძიებას.

წაიკითხე მეტი.

 

 

დღეს ოპოზიციის შტაბის შეხვედრა გაიმართება სადაც სამოქმმედო გეგმას განიხილავენ

დღეს ოპოზიცია იმსჯელებს იმაზე თუ როგორ უნდა იმოქმედონ მათ არჩევნების დღეს და შემდეგ. ამის შესახებ „ევროპული საქართველოს“ ერთ-ერთმა წევრმა ლევან თარხნიშვილმა ინტერპრესნიუსს უთხრა.  

მისი თქმით გაერთიანებული შტაბი საპარლამენტო არჩევნებზე ერთმანეთის ხმების დასაცავად შეიქმნა. მისი ხელმძღვანელი პაატა დავითაიაა.

„შეხვედრა ჩვენს ოფისშია დაგეგმილი და განვიხილავთ და გავაგრძელებთ კოორდინაციის საკითხების განხილვას, ანუ როგორ გავცვლით ინფორმაციას, როგორ უნდა მოხდეს მოქმედება საარჩევნო დღეს, საარჩევნო დღის შემდეგ და ა.შ.“, - განაცხადა ლევან თარხნიშვილმა.

 

 

სამთავრობო გზავნილების ტელეგრამ-არხი

მობილურ აპლიკაცია „ტელეგრამში“ კორონავირუსთან დაკავშირებით სპეციალური ქართულენოვანი არხი Stopcov.ge საქართველოს მთავრობამ 22 აპრილს აამოქმედა. დღეს, არხს 6500-ზე მეტი გამომწერი ჰყავს. ისინი შეტყობინებებს მთავრობისგან ყოველდღიურად იღებენ. ტელეგრამ-გზავნილებით მთავრობა, ძირითადად, კორონავირუსთან წარმატებული ბრძოლის ხაზგასმას ცდილობს.

ტელეგრამ არხის ფოკუსში ექცევა ისეთი ამბები როგორიცა:

საერთაშორისო გამოცემებში გამოქვეყნებული, შემდეგ კი ქართულ მედიაში ნათარგმნი სტატიები.

უცხოელი პოლიტიკოსებისა და დიპლომატების შეფასებები პანდემიის პირობებში საქართველოს ხელისუფლების გადადგმულ ნაბიჯებზე. 

იმედის“ ვებ-გვერდზე GORBI-ს კვლევაზე დაყრდნობით გამოქვეყნებული სტატია: „საქართველოს მოსახლეობის უმრავლესობა ფიქრობს, რომ ხელისუფლება კორონავირუსს კარგად უმკლავდება“.

„მედიაჩეკერი“ აპრილში ვარაუდობდა, რომ პოზიტიური სტატიების სერია „ქართული ოცნების“ მიერ ლობისტური კომპანიების დაქირავებას უკავშირდებოდა.

წაიკითხე მეტი.

 

 

 

„ჯართის შემგროვებელი“ შაქარაშვილის საქმიდან: ყველაფერს ვაღიარებ, ვაცნობიერებ დანაშაულს

„სავსებით ვეთანხმები ბრალდებას, დამნაშავედ ვგრძნობ თავს“ - ეს 39 წლის ლევან ყარყარაშვილის სიტყვებია, ე.წ. ჯართის შემგროვებლის, რომელსაც იმ ტერიტორიის გადაწვა ედება ბრალად, სადაც 19 წლის ფეხბურთელის, გიორგი შაქარაშვილის განზრახ მკვლელობის საქმის ერთ-ერთი მთავარი მოწმე, გურამ ამირხანაშვილი იმალებოდა.

მცხეთის რაიონულ სასამართლოში 2 სექტემბერს, ლევან ყარყარაშვილის მიმართ წინასასამართლო სხდომა დისტანციურად ჩატარდა. ბრალდებული სასამართლო დარბაზს პენიტენციური დაწესებულებიდან ჩაერთო. ლევან ყარყარაშვილს არ ჰყავს ადვოკატი. ბრალდების მხარის განმარტებით, ეს გადაწყვეტილება მან თავად მიიღო და საკუთარ უფლებებს თავადვე დაიცავს.

გუშინდელ პროცესზე ერთ-ერთმა პროკურორმა თქვა, რომ ყარყარაშვილის საქმე გიორგი შაქარაშვილის გარდაცვალების საქმეს არ ებმება. 19 წლის ფეხბურთელის საქმეზე ბრალდებულთა ნაწილის ადვოკატებს კი მიაჩნიათ, რომ გაოძიებისთვის ეთი-ერთი ყველაზე მნიშველოვანი ტერიტორია განზრახ გადაწვეს.

წაიკითხე მეტი ნინო თარხნიშვილის სტატიაში.

 

 

 

 

 

 

 

COVID-19-ით ინფიცირებულთა რიცხვმა მსოფლიოში 25 მილიონს გადააჭარბა. ამ ეტაპზე ინდოეთს ახალი კორონავირუსით დაავადებულთა რიცხვის დღიური ზრდის სარეკორდო მაჩვენებელი აქვს. შემთხვევათა რაოდენობის მატების გამო ევროპის ქვეყნებში ახალი შეზღუდვები შემოიღეს. ვირუსის გავრცელებასთან ბრძოლას ცდილობენ სკოლები, რომლებშიც სწავლა განახლდა.





Губернаторы России
Москва

Сергей Собянин: Центральной детской библиотеке имени Гайдара — 90 лет





Москва

Как узнать совместимость запчастей на авто?


Губернаторы России

103news.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в формате онлайн. Вы всегда можете добавить свои новости сиюминутно – здесь и прочитать их тут же и – сейчас в России, в Украине и в мире по темам в режиме 24/7 ежесекундно. А теперь ещё - регионы, Крым, Москва и Россия.

Moscow.media
Москва

Собянин: На северо-западе Москвы открылся волонтерский центр «Доброе место»



103news.comмеждународная интерактивная информационная сеть (ежеминутные новости с ежедневным интелектуальным архивом). Только у нас — все главные новости дня без политической цензуры. "103 Новости" — абсолютно все точки зрения, трезвая аналитика, цивилизованные споры и обсуждения без взаимных обвинений и оскорблений. Помните, что не у всех точка зрения совпадает с Вашей. Уважайте мнение других, даже если Вы отстаиваете свой взгляд и свою позицию. 103news.com — облегчённая версия старейшего обозревателя новостей 123ru.net.

Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).

103news.com — живые новости в прямом эфире!

В любую минуту Вы можете добавить свою новость мгновенно — здесь.

Музыкальные новости

Сергей Лазарев

Певец Сергей Лазарев сделал шикарный подарок «диско бабушке» из Сыктывкара




Спорт в России и мире

Алексей Смирнов – актер, которого, надеюсь, еще не забыли

Первое историческое ралли в Москве 2 июня 2024

Ролан Гаррос. Расписание 2 июня. Потапова и Швентек сыграют первым запуском, Синнер – последним

Стали известны все участники РПЛ сезона-2024/2025


Сюзанн Ленглен

Матч Котова и Вавринки перенесли на корт Сюзанн Ленглен



Новости Крыма на Sevpoisk.ru


Москва

Весь мир чипировали умом Ленина?! Раскрыта загадка Мавзолея В.И. Ленина. Проект "Святой Ленин".



Частные объявления в Вашем городе, в Вашем регионе и в России